Бәріміз білетіндей, тақырыптарды меңгеріп кету оңай емес. Ал, осы жағдайды көзбен көрген дүниелер есте ұзаққа сақталады және түсіну оңайырақ. Сол себептен, отандық фильм-сериалдарды көруге кеңес береміз.
- «Қазақ хандығы» – Ілияс Есенберлиннің «Алмас қылыш» романының желісі бойынша түсірілген телесериал. Бұл сериал шынайы оқиаларға негізделген, Ақ Орда, Шайбани әулетінің тарихы, Жәнібек пен Керейдің жаңа мемлекет құрудағы алғышарттары бейнелген. Туынды 3 маусымнан, 10 сериядан тұрады.
- «Тар заман» сериалында Алашорда үкіметінің құрылу сәті, екі түрлі пікірге бөлінген Алаш ардақтыларының іс-әрекеттері бейнеленген. Ақпан, Қазан революциясы кезеңіндегі сұрапыл оқиғалар да түсірілді. Телехикая 12 бөлімнен тұрады.
- «Кейкі мерген» - 1916 жылғы ұлт-азаттық көтерілісінің батыры Нұрмағанбет Көкембайұлы туралы таспаланған тарихи драма. Бұл туындыда 1916 жылғы тарихи кезең бейнеленген. Телехикая 16 бөлімнен тұрады.
- «Қызыл жебе» сериалы – Шерхан Мұртазаның роман-трилогиясының желісімен түсірілді. Бұл телехикая Тұрар Рысқұловтың өмір жолы мен тәуелсіз ел құру бағытында қосқан үлестері туралы баяндайды. Туынды 10 сериядан тұрады.
- «Ұлы дала зары» - ашаршылық жылдарындағы қазақ елінің өмірі туралы баяндайтын фильм. Аштық кезеңіндегі рухты халықтың өмірін көрсетеді.
