Сұрақтар базасы
Сұрақтар базасы: Дигибридті будандастыру
1. Дигибридті будандастыру дегеніміз не?
Екі жұп қарама-қарсы белгілері бойынша будандастыру (екі белгіге жауап беретін екі геннің тұқым қуалауын зерттеу).
2. Дигибридті будандастыруда F2-дегі фенотиптік ұрпақ қатынасы қандай?
9 : 3 : 3 : 1
3. Мендельдің "Үшінші заңы" қалай аталады?
Тәуелсіз тұқым қуалау заңы.
4. Қан топтары неше топқа бөлінеді?
Төрт топ: I (0), II (A), III (B), IV (AB).
5. Агглютинация дегеніміз не?
Эритроциттердің бір-біріне жабысып қалуы (қан құю сәйкессіздігінде орын алады).
6. Резус-фактор дегеніміз не?
Қан эритроциттеріндегі арнайы нәруіз (бар болса - Rh+, жоқ болса - Rh-).
7. Жыныс генотиптік түрде қалай анықталады?
Адамда аналық жасушада XX, аталықта XY хромосома жиынтығымен анықталады.
8. Фенотиптік жыныс анықтау дегеніміз не?
Сыртқы орта факторлары (температура, pH) әсерінен жыныстың қалыптасуы (мысалы, қолтырауындарда).
9. Жыныспен тіркесіп тұқым қуалау ұғымын кім ашты?
Томас Морган.
10. Гемофилия ауруы қандай хромосомада орналасады?
Х-жыныс хромосомасында.
11. Неліктен гемофилиямен көбінесе ер адамдар ауырады?
Оларда X-хромосома біреу ғана, онда мутация болса, ауру көрінеді.
12. Қыздар гемофилиямен неге сирек ауырады?
Қыздарда X-хромосома екеу, біреу сау болса, ауру белгісі байқалмайды (тек тасымалдаушы).
13. Кан Топтарының тұқым қуалауы қандай типке жатады?
Кодоминанттылық (A және B бір-біріне үстемдік жасамай, қатар көрінеді).
14. Адам генетикасын зерттеуде қандай әдістер қолданылады?
Генеалогиялық, егіздік, цитогенетикалық, биохимиялық, популяциялық-статистикалық, онтогенетикалық әдістер.
15. Генеалогиялық әдіс дегеніміз не?
Адамның бір әулетін бірнеше ұрпақ бойы бақылап, белгілердің тұқым қуалауын зерттеу.
